Infirmier psychiatrique (m/w/d) fir Meederchers-Wunngrupp Maison Cales an der Staat - CDI 100 % -

D'Fondatioun Lëtzebuerger Kannerduerf sicht engagéiert Fachleit, déi Kanner a Jugendlecher wäertschätzend, ressourcenorientéiert an empathesch begleeden.

Dir wëllt Iech am soziale Beräich asetzen, Verantwortung iwwerhuelen an e reelle Bäitrag fir d'Zukunft vu Jugendlechen leeschten? Da kommt an eng Equipe, déi Vertrauen, Engagement a géigesäitege Respekt lieft.

Fir eis Wunngrupp Maison CALES, déi weiblech Jugendlecher tëscht 12 an 18 Joer, an engem Wunnquartier an der Staat Lëtzebuerg begleet, baue mir eng nei Equipe op.

Dës Funktioun bitt Iech d'Méiglechkeet, Är fachlech a perséinlech Kompetenzen aktive anzebréngen, Verantwortung ze iwwerhuelen an zesumme mat engem motivéierten Team d'Jugendlech op hirem Wee ze méi Autonomie an enger positiver Entwécklung ze begleeden.

Gläichzäiteg leet d'Fondatioun vill Wäert op d'Weiderentwécklung vun hire Mataarbechter. Duerch reegelméisseg Formatiounen, Supervisiounen a fachlechen Austausch kritt Dir d'Méiglechkeet, Är Kompetenzen auszebauen an an Ärer professioneller Roll ze wuessen.

Är Aufgaben

• Matwierken un der Opnam, Evaluatioun a Begleedung vu Kanner a Jugendlechen.

• Somatesch a psychiatresch Evaluatioune maachen an de Gesondheetszoustand suivéieren.

• De kierperlechen a psychesche Gesondheetszoustand observéieren, dokumentéieren an evaluéieren.

• Medezinesch, psychiatresch an therapeutesch Consultatioune organiséieren a koordinéieren.

• Enk mat Psychiateren, Dokteren, Psychologen, Spideeler an anere Partner zesummeschaffen.

• Educatiounsequippen am Ëmgang mat psychiatresche Problematike beroden an ënnerstëtzen.

• Eng regelméisseg a vertraulech Kommunikatioun mat Familljen a gesetzleche Vertrieder assuréieren.

• Als Referenzpersoun Beneficiairen an hirer individueller Begleedung ënnerstëtzen.

• Familljen begleeden an d'Elteren an hire Kompetenze stäerken.

• An psychiatreschen oder verhalensbezunnene Krisesituatioune professionell intervenéieren.

• Psychoedukativ Aktivitéite fir Beneficiairen, Familljen an Ekippen organiséieren an duerchféieren.

Wat eis ënnerscheet

Mir investéieren an Är Entwécklung

• Reegelméisseg Formatiounen (Bindung, Trauma, SOP, ...)

• Praxisaustausch an Deele vu Fachwëssen

• Kontinuéierlecht Léieren a professionellt Wuesse

• Aktiv Ënnerstëtzung vun Ärer fachlecher a perséinlecher Entwécklung

Eng Organisatioun an dauerhafter Weiderentwécklung

• Strukturéiert Qualitéitsmanagement

• Kultur vun der Reflexioun an der kontinuéierlecher Verbesserung

• Entwécklung vun innovativen Approchen an der psychiatrescher a psychosozialer Begleedung

E professionellen a strukturéierte Kader

• Zesummenaarbecht an engem engagéierten multidisziplinären Team

• Reegelméisseg Supervisiounen an Intervisiounen

• Enken Austausch mat Educateuren, Psychologen, Case Manageren a Direktioun

• Kloer Strukturen, professionell Prozesser a qualitativ héichwäerteg Fachbegleedung

Eng Missioun mat Wierkung

• Direkten Impakt op d'Wuelbefannen an d'Entwécklung vu Kanner a Jugendlechen

• Ënnerstëtzung vu Familljen a komplexe Liewenssituatiounen

• E konkrete Bäitrag zu hire Zukunftsperspektiven a Wuelbefannen

Äre Profil

Diplomer a fachlech Kompetenzen

• Diplom als Infirmier/Infirmière mat Spezialisatioun an der Psychiatrie (oder gläichwäertegen, zu Lëtzebuerg unerkannten Diplom).

• Gülteg Autorisation d'exercer zu Lëtzebuerg.

• Op d'mannst 5 Joer Beruffserfarung an der Kanner- a Jugendpsychiatrie.

• Gutt Kenntnisser vum institutionellen, juristeschen a soziale Kader vun der Betreiung vu Mannerjäregen zu Lëtzebuerg (Aide à l’Enfance et à la Famille, Jugendschutz).

• Kenntnisser vun relevante therapeuteschen Usätz (Traumapädagogik, Bindungstheorie, systemeschen Usaz, kognitiv Verhalenstherapie, EMDR, asw.).

• Gutt Kenntnisser am Beräich Eltereschaf an Erzéiung am Kader vun de Referenzgrondlage vun der Aide à l’Enfance et à la Famille.

Sozial Kompetenzen a Perséinlechkeetsprofil

• Wertschätzend a professionell Haltung.

• Gutt sozial a kommunikativ Kompetenzen.

• Staark sozial, interkulturell an inklusiv Kompetenzen.

• Fäegkeet zur Zesummenaarbecht am Team an mat de Partner.

• Diskretioun a Verantwortungsbewosstsinn.

• Gutt Organisatiounsfäegkeet a Prioritéitemanagement.

• Rouegen an professionelle Ëmgang a Krisesituatiounen.

• Flexibilitéit an Adaptatiounsfäegkeet.

• Léisungsorientéiert an zouverlässeg Aarbechtsweis.

Zousätzlech Ufuerderungen

• Führerschäin B

• Gutt Kenntnisser am Lëtzebuergeschen, Franséischen an Däitschen; all weider Sprooch ass e Virdeel

Konditiounen

• CDI

• Beschäftegungsgrad: 100 %

• Remuneratioun laut CCT-SAS C5*

• Attraktiv extralegal Virdeeler

Dir wëllt Iech an enger Organisatioun weiderentwéckelen, déi geziilt an d'Qualitéit vun hire Praktiken an an d'Entwécklung vun hire Mataarbechter investéiert?

Da freeë mir eis op Är Kandidatur!

Luet w.e.g. follgend Dokumenter iwwer eise Formulaire erop:

• Motivatiounsbréif

• Liewenslaf mat Foto

• Kopie vum Diplom

• Autorisation d'exercer

Am Fall vun engem Recrutement, gitt Dir d'Casiers judiciaires n°3, n°4 an n°5 gefrot.